कहिलेदेखि खुल्छ सवारी साधनको ट्रायल ?

कोभिड–१९ का कारण रोकिएको सवारीसाधनको ट्रायल तत्काल नखुल्ने भएको छ । कोरोना जोखिम कायमै भएको भन्दै तत्काल खोल्ने तयारी नभएको विभागका सूचना अधिकारी लोकनाथ भूसाल जानकारी दिए।

विभागका सूचना अधिकारी भूसालले भने,‘ट्रायलबारे विभागले निर्णय गरेर हुँदैन, सरकारले नै गर्नुपर्छ तर, अहिलेसम्म ट्रायल सञ्चालन गर्न दिने भनी केही भनेको छैन, तयारी पनि छैन,तत्काल खुल्दैन।’

उनका अनुसार सरकारले ट्रायलको अनुमति दिएपछि मात्रै कोरोनाले रोकिएको ट्रायल सञ्चालन गरिने छ। सवारी चालक अनुमति पत्रको केही सेवा भने गत १० गतेदेखि कोटा सिस्टमबाट सञ्चालन भएको छ।

चालक अनुमति पत्रको नवीकरण,ट्रायल पासको राजश्व संकलन र चालक अनुमति पत्र वितरण सेवा खुलेको छ।
‍‍‍‍‍‍‍‍‍‍‍‍‍‍‍‍‍‍‍

====================================================
र यो पनि नयाँ व्यवस्था अनुसार लाइसेन्सको लिखित परीक्षामा सोधिने प्रश्नहरु सार्वजनिक

काठमाण्डाै – यातायात व्यवस्था विभागले नयाँ व्यवस्था अनुसार मोटरसाइकल तथा स्कुटरको लाइसेन्सको लिखित परीक्षाका लागि प्रश्नहरु सार्वजनिक गरेको छ । पाँच सय वटा प्रश्न सार्वजनिक गरेको र लाइसेन्सको लिखित परीक्षामा तिनैमध्येबाट २० वटा प्रश्न सोधिने विभागले जनाएको छ ।

एउटा प्रश्नको पाँच अङ्क दिइने र उत्तीर्ण हुनका लागि ८० अङ्क अर्थात कम्तीमा १६ वटा प्रश्नको सही जवाफ दिनुपर्ने छ । लिखित परीक्षा उत्तीर्ण भएपछि मात्रै ट्रायल दिन पाइनेछ । गएको चैत २० गते भौतिक पूर्वाधार तथा यातायात मन्त्रालयले नयाँ व्यवस्थासहित सवारी चालक अनुमतीपत्र परीक्षा सञ्चालन कार्यविधि निर्देशिका स्वीकृत गरेको हो ।

गतेदेखि नै लागु भएको कार्यविधि कोरोना महामारीका कारण लाइसेन्स सम्बन्धी सेवा बन्द रहेकोले साउन १ गतेदेखि कार्यान्वयन गर्न लागिएको यातायात व्यवस्था विभागका महानिर्देशक नमराज घिमिरेले जानकारी दिनुभयो । नयाँ व्यवस्था अनुसार मोटरसाइकल तथा स्कुटरको ट्रायल परीक्षामा पनि केही खुकुलो बनाइएको छ ।

प्रयोगात्मक परीक्षाका लागि विभिन्न सूचकमा एक सय अङ्क तोकिएको छ । त्यसमध्ये ७० अङ्क ल्याउने व्यक्ति उत्तीर्ण हुन्छ ।नयाँ व्यवस्थाले एउटा सानो गल्तीका कारण फेल हुने अवस्थाको अन्त्य गरेको छ । प्रयोगात्मक परीक्षामा सबैभन्दा बढी ट्राफिक संकेतको पालना नगरेमा १५ अङ्क घट्छ ।

घुमाउरो आठमा एक पटकसम्म रेखा छोएमा वा एक पटकसम्म भुइँमा खुट्टा टेकेमा १० अङ्क घट्नेछ । संकेत चिन्ह छोएमा, खुट्टाले भुँइमा टेकेमा, मोडमा इन्डिकेटर बत्ती नबालेमा लगायतका गल्ती हुँदा फरक फरक अङ्क घट्ने व्यवस्था छ ।यस्तै नयाँ व्यवस्था कार्यान्वयन भएपछि लाइसेन्स परीक्षा उत्तीर्ण गर्नेहरुलाई एक वर्षको लागि परीक्षण लाइसेन्स दिइनेछ ।

परीक्षण कालको एक वर्षमा पाँच पटकसम्म सवारी नियम उलंघन गरेमा त्यो व्यक्तिले पुनः परीक्षा दिनुपर्छ । यस्तै नयाँ व्यवस्था अनुसार ट्रायल दिँदा परीक्षार्थीले आफ्नै सवारी साधन प्रयोग गर्न पाउनेछ । प्रयोग गर्ने सवारी साधन भने यातायात व्यवस्था विभागले तोकेको मापदण्ड भित्रको हुनुपर्नेछ ।हेर्नुस् मोटरसाइकल तथा स्कुटरको लाइसेन्सको लिखित परीक्षाका लागि साेधिने प्रश्नहरु :

फेसबुकबाट प्रतिक्रिया

धेरै पढिएको

सम्बन्धित खवर

भर्खरै